Një aksident i rëndë raportohet se ka ndodhur pasditen e sotme në zonën e Zall Bastarit.
Mësohet se në aksident janë përfshirë dy makina, të cilat janë përplasur me njëra-tjetrën. Siç shihet edhe nga pamjet e siguruara nga korrespondenti i Top Channel Dëfrim Karaj, njëra nga makinat është kthyer përmbys. Kanë qenë disa shoferë të rastit, të cilët kanë pikasur aksidentin dhe kanë njoftuar policinë e ambulancën të cilët kanë shkuar në vendngjarje, ku dhe kanë bërë të mundur dërgimin e të plagosurve drejt spitalit të Traumës.
Ndërkohë policia dhe grupi hetimor kanë nisur hetimet rreth shkaqeve të aksidentit, teksa paraprakisht mendohet lagështira në rrugë si dhe shpejtësia e madhe.
