Vodhi shuma të konsiderueshme parash kur punonte si arkëtar në Postën Shqiptare, arrestohet 38-vjeçari në Përmet

Specialistët e Hetimit të Krimeve Ekonomiko-Financiare ndaluan E. Q., 38 vjeç, banues në Përmet.

38-vjeçari dyshohet se gjatë periudhës 2019-2025, ndërsa ka punuar si llogaritar/arkëtar në degën e Postës Shqiptare në Përmet, ka vjedhur shuma të konsiderueshme parash nga arka e postës.

Ndërkohë, specialistët e Hetimit të Krimeve Kibernetike referuan materialet në Prokurori për shtetasin F. Z., 44 vjeç, banues në Memaliaj, i cili ka kallëzuar se të dhënat e tij personale janë përdorur për të krijuar një llogari bankare dhe një kartë debiti në një bankë në Spanjë përmes sistemeve kompjuterike.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.