Eleonora Toci, 24-vjeçarja shqiptare që u mbyt në krevat nga bashkëshorti i saj, mësohet se kishte shkuar në Itali së bashku me dy fëmijët e tyre rreth 2 muaj më parë.
Viktima i ishte bashkuar të shoqit, i cili jetonte në San Felice a Cancello, provincën e Caserta, dhe punonte në bujqësi.
Mediat italiane kanë raportuar se krimi i rëndë ndodhi në shtëpinë ku çifti banonte së bashku me dy fëmijët e tyre, të moshës 4 dhe 6 vjeç, të cilët ishin dëshmitarë të tragjedisë.
Rreth orës 05:00 të mëngjesit të së mërkurës, Lulzin Toci mbyti me duar 24-vjeçaren pa asnjë arsye të dukshme, ndërsa ajo ishte në shtrat.
Pasi vrau Eleonorën, vrasësi u largua për të shkuar në shtëpinë e kunatës së tij, e cila jetonte disa qindra metra më tutje, duke i kërkuar që t’a shoqëronte në spital pasi nuk ndihej mirë.
Megjithatë, sjellja e tij, veçanërisht mungesa e Eleonorës, e bëri gruan të dyshonte dhe vendosi të merrte me videocall në telefon viktimën.
Por ishte një nga fëmijët që u përgjigj dhe i tronditur i tregoi atë që kishte ndodhur: “Babi vrau mamin”, duke inkuadruar në kamera trupin e nënës së shtrirë në krevat.
Në atë moment ka qenë ajo që ka lajmëruar policinë, që ka shkuar në vendngjarje.
30-vjeçar Lulzim Toci është gjetur duke u endur në gjendje konfuze pranë shtëpisë. Pas arrestimit, ai nuk mundi t’i shpjegonte arsyen e krimit.
Burri dyshohet se ka sulmuar 24-vjeçaren pa asnjë arsye të dukshme. Ai akuzohet për vrasje të rëndë dhe fëmijët do t’i besohen ndonjë të afërmi.