Gjykata e Apelit e Juridiksionit të Përgjithshëm ka lënë në fuqi masën e sigurimit “arrest në burg” për Gjon Shkambin, xhaxhain e Elvis Shkambit, i cili është i dyshuar për lidhje me vrasjen e gjyqtarit Astrit Kalaja më 6 tetor brenda sallës së gjyqit.
Vendimi i Apelit ka konfirmuar masën e caktuar nga shkalla e parë dhe ka refuzuar kërkesën e mbrojtjes për ndryshim të masës së sigurisë.
Gjon Shkambi po hetohet për rolin e tij të mundshëm në këtë ngjarje tragjike, e cila tronditi sistemin e drejtësisë dhe ngjalli shqetësime të mëdha mbi sigurinë në ambientet gjyqësore. Aksioni i Shkambit ka pasur pasoja të rënda, ndërsa hetimet për zbardhjen e ngjarjes vijojnë ende.