Detaje të reja janë zbardhur ditën e sotme për mediat lidhur me vrasjen e shqiptares në Itali e identifikuar si Brunilda Halla, 37-vjeç, nga një person i cili e kishte kryer krimin pa shkak.
Para autortieteve të policisë autori me gjakftohtësi ka treguar se e kishte kryer krimin pa shkak dhe si një shenjë rebelimi ndaj shoqërisë.
Bëhet me dije gjithashtu se autori i këtij krimi të rëndë, një 28-vjeçar është vënë në pranga.
Gjatë marrjes në pyetje autori dyshohet se kishte “ngritje dhe ulje tipike të një personaliteti të shqetësuar”, dhe deklaroi se kishte vepruar si “rebelim kundër shoqërisë së Vittoria-s që e kishte margjinalizuar”, raporton Franco Vinciguerra, avokati i 28-vjeçarit.
Marrja në pyetje u bë në kazermën e karabinierëve, më pas vrasësi u dërgua në burgun e Raguzës.
Ai mund të kishte sulmuar këdo, sipas hetuesve, nuk e njihte gruan që vrau.
Vrasësi ishte gati të kalonte rrugën kur kuptoi se Brunilda Halla ishte e kthyer me kurriz nga rruga dhe po mbyllte derën e shtëpisë.
Burri shkoi drejt saj dhe më pas e goditi me thikë 6 ose 7 herë në mënyrë të përsëritur mes shpatullave dhe qafës dhe më pas u largua.
Ai e la armën në një luginë dhe shkoi në shtëpi për të ndërruar rrobat.
“Ai pranoi faktet, përgjegjësinë e tij për vrasjen. Ai vetë kërkoi të fliste me prokurorin për të rrëfyer”, thotë avokati Vinciguerra.
“Jemi në prani të një subjekti me probleme të vërtetuara mendore, tashmë viktimë e bullizmit të thellë, i ndjekur nga neurologë dhe psikiatër. Në vitin 2016 i është nënshtruar trajtimit të detyrueshëm shëndetësor (Tso)”,shton avokati.
“Me sa duket duhet të jetë një vrasje rastësore, tha në mëngjes kryeprokurori i Raguzës, Fabio D’Anna, nuk është konstatuar asnjë lidhje paraekzistuese me viktimën”.