Vrau brenda sallës gjyqtarin Kalaja pasi dha vendimin, shtyhet seanca ndaj Ervis Shkambit dhe xhaxhait të tij

Është shtyrë për më 16 nëntor seanca paraprake ndaj Gjon dhe Ervis Shkambit, të akuzuar për vrasjen e gjyqtarit Astrit Kalaja.

Siç raporton gazetarja e Top Channel, Anila Hoxha, Prokuroria lexoi veprimet hetimore që ka kryer.

Avokati i Ervis Shkambit kërkoi të njihet me audion e seancës paraprake të datës 6 tetor, ndërsa avokatët e Gjon Shkambit kërkuan të njihen me aktet që lidhen me klientin e tyre.

Ndërkohë, avokati i familjes së Astrit Kalasë kërkoi që procesi të jetë transparent dhe të respektohet Kodi i Procedurës Penale.