Andi Vokri autroi i vrasjes me çekiç të 57-vjeçarit Petrit Ndou është rimarrë sërish në pyetje pasi i ka dalë pija. Në dëshminë e dytë 28-vjeçari ka deklaruar se ishte në gjendje të dehur dhe nuk mbante mend asgjë se çfarë kishte ndodhur apo nëse personi që ishte konfliktuar kishte ndërruar jetë ose jo.
“Nuk mbaj mend se çfarë ka ndodhur. Isha i dehur dhe kujtoj vetëm që pashë një makinë që më kishte zënë rrugën. I kam kërkuar që të largohej dhe të kaloja i pari pasi mund të bënim aksident. Nuk më dëgjoj dhe kaluam paralel. Kur pash që makina u fërkua dola dhe e godita me çekiç. Nuk doja ta vrisja”,- ka pohuar 28 vjeçari
Ndërkohë dy të arrestuarit e tjerë për moskallëzim krimi Lorenc Goga dhe Fation Kulla kanë pohuar se u larguan fillimisht prej andej nga frika për atë se çfarë kishte ndodhur.
Ngjarja u regjistrua pak pas mesnatës së 20 janarit, në fshatin Bushnesh, pranë rrugës Fushë Krujë-Mamurras, ku një konflikt i çastit mes dy shoferëve përfundoi me vrasje. Konflikti nisi për shkak të përparësisë së lëvizjes në një rrugë të ngushtë dhe një gërvishtjeje të lehtë mes dy automjeteve. Sherri agravoi në dhunë fizike, ku Andi Vokri goditi për vdekje me çekiç Petrit Ndoun