Një ngjarje e rëndë mësohet të ketë ndodhur gjatë muajt gusht në Tiranë.
Një 22-vjeçare nga Kenia, e cila punonte në një kazino në Tiranë, është dhunuar dhe prej muajsh ndodhet në gjendje kome në Spitalin e Traumës.
Sipas “BW”, mësohet se vajza që njihej me emrin Joy dhe punonte në një kazino, ndodhet e shtruar në spitalin e Traumës në Tiranë, teksa nëna e saj po kryen procedurat për transferimin e 22-vjeçares në një spital jashtë vendit për ndihmë më të specializuar mjekësore.
Sipas Traumës, pacientja me iniciale (V) S.A.A., është paraqitur në spital rreth tre muaj më parë në gjendje të rëndë shëndetësore, (gjendje kome), është trajtuar nga stafi mjekësor dhe vlerësuar si gjendje e rëndë shëndetësore, me prognozë të rezervuar.
Policia kishte dijeni për rastin, por nuk e ka bërë publike.
Më 13 gusht 22-vjeçarja u gjet pa ndjenja poshtë pallatit ku banonte dhe u dërgua në spital nga banorët e lagjes
E reja kishte pësuar lëndime të shumta dhe sipas mjekëve kishte tre brinjë e kocka të thyera, lëndime në dorë e stomak dhe dëmtime në tru.
