E lindur më 20 korrik 1938 në San Francisko, Natalie Wood filloi karrierën e saj të aktrimit në një moshë të re. Ajo shpejt u bë e njohur, duke demonstruar shkathtësinë e saj në një gamë të gjerë rolesh, nga ylli i filmave për fëmijë tek ylli kryesor i filmave. 

Pavarësisht suksesit të saj profesional, shtypi ishte shumë i shqetësuar për jetën e saj personale, dhe vazhdon të shqetësohet për fundin e saj misterioz edhe sot e kësaj dite. Gjatë jetës së saj, Wood bëri bujë disa herë për marrëdhëniet e saj të trazuara dhe martesat e shumta.

Ajo ishte martuar tre herë, duke përfshirë aktorin Robert Wagner, me të cilin kishte një marrëdhënie pasionante dhe shpesh të paqëndrueshme, shkruajnë mediat e huaja.

Nata tragjike e 29 Nëntorit 1981

Në vitin 1981, Natalie Wood dha frymën e fundit në moshën 43-vjeçare. Ajo ishte duke pushuar në jahtin e saj familjar me bashkëshortin e saj, Robert Wagner dhe mikun dhe njëkohësisht aktorin Christopher Walken. Rrethanat e vdekjes së saj lanë në hije autoritetet për shumë vite, ndërsa ngjarja u cilësua si aksidentale dhe kështu çështja u mbyll. Tridhjetë e shtatë vjet më vonë, në vitin 2018, bashkëshorti i saj, Robert Wagner, filloi të merrte kritika ngado dhe u konsiderua si i dyshuari kryesor për vdekjen e Wood.

Dëshmia e re që e riktheu çështjen në plan të parë ishte ajo e kapitenit të varkës, Denis Davern. Davern ishte një nga tre personat që e gjetën të vdekur në 28 nëntor 1981, dhe pretendoi se vrasësi i Wood ishte vetë burri i saj.

Kapiteni deklaroi se ai besonte se Wood ishte vrarë nga Wagner dhe madje pretendoi se ai i kërkoi atij, kur ajo u zhduk për herë të parë, të ndalonte çdo përpjekje kërkimi. Kapiteni ishte një nga katër personat në bordin e jahtit.

Atë fundjavë, çifti u grind pa pushim, kujton kapiteni. Ai gjithashtu kujton se Walken kishte debatuar me Wagner për sjelljen e tij ndaj aktores. Dëshmia e Davernit u konsiderua shumë e rëndësishme.
Ai theksoi se natën e zhdukjes së Natalie Wood, ajo kishte pasur një grindje shumë të keqe me burrin e saj dhe e pa atë duke vrapuar duke qarë në dhomën e saj. Po kështu edhe Walken, i cili gjithashtu u mbyll në kabinën e tij, në pjesën e prapme të anijes, ndërsa Wagner qëndroi aty ku ishte dhe filloi të pinte me kapitenin.