Ka ndërruar jetë në moshën 72-vjeçare DJ dhe producenti i njohur Psychedelic Trance, Goa Gil, i njohur fillimisht si Gilbert Levey dhe që më vonë mori emrin Mahant Managalanand Puri.
Sipas mediave të huaja, muzikanti vuante nga kanceri. Ndërkohë në një mesazh të postuar në “Instagram-in” e të ndjerit shkruhej se:
“I dashur komunitet global, fjalët nuk mund të shprehin në mënyrë adekuate ndjenjat tona në këtë moment. Me zemër të rënduar ne njoftojmë largimin e Shri Mahant Managalan dhe Puri aka Goa Gil. Në momentet e tij të fundit, Babaji dëshironte të shprehte dashurinë dhe bekimet e tij për të gjithë dhe donte të shprehte mirënjohjen e tij për dashurinë dhe mbështetjen që mori ndër vite. Ai gjeti paqen dhe u përgatit për udhëtimin e tij të mëtejshëm. Ne e vlerësojmë mirëkuptimin dhe mbështetjen tuaj gjatë kësaj kohe të ndjeshme”.
Gjithashtu është bërë e ditur se në fillim të këtij viti, në shkurt, Gil u zhvendos në Kaliforni për t’iu nënshtruar trajtimit. Ai filloi katër muaj e gjysmë kimioterapi, duke rezultuar në anulimin e turneut të tij të vitit 2023, por kanceri i tij u kthye.
Komplikimet e vazhdueshme shëndetësore e bënë të pamundur që ai t’i nënshtrohej operacionit dhe të vazhdonte trajtimet me kimioterapi.