Aksidentoi për VDEKJE tre shokët e tij të mitur! "Shkak"...postimet në rrjete sociale?

Një aksident tragjik ka ndodhur në Mbretërinë e Bashkuar, ku Edward Spencer, një djalë 19-vjeçar, ka shkaktuar vdekjen e tre shokëve të tij gjatë një aksidenti automobilistik në Warwickshire.

Spencer, që në momentin e aksidentit ishte 17 vjeç, po udhëtonte me shpejtësi të madhe në një Ford Fiesta, kur ai u përplas me një Fiat 500. Si pasojë e përplasjes, humbën jetën Harry Purcell, 17 vjeç, Matilda “Tilly” Seccombe, 16 vjeç dhe Frank Wormald, 16 vjeç.

Aksidenti ndodhi ndërsa Spencer po çonte shokët e tij në shtëpi pas shkollës. Harry dhe Tilly vdiqën një ditë pas përplasjes, ndërsa Frank ndërrroi jetë dy ditë më vonë. Spencer pranoi përgjegjësinë për shkaktimin e vdekjes së tyre dhe u shpall fajtor për shkaktimin e lëndimeve të rënda. Ai u dënuar me 24 muaj burg në një institucion për të mitur dhe u ndalua të drejtojë makinë për tetë vjet.

Gjykata mori në konsideratë faktin se Spencer kishte një histori të drejtimit të rrezikshëm. Ai ishte njohur për postimin e videove në rrjetet sociale, ku shfaqte shpejtësi të lartë dhe manovra të rrezikshme. Një video tregon Spencerin duke kaluar një skuter me shpejtësi të madhe, mbi 80 km/orë, dhe një tjetër ku ai e shfaqte veten duke u mburrur për manovrat e tij të rrezikshme.

Një mjeke ligjore dhe avokatët e familjeve të viktimave ngritën shqetësime mbi ndikimin e “kulturës së selfieve” (postimeve në rrjetet sociale) tek të rinjtë dhe si kjo kulturë mund të inkurajojë sjellje të rrezikshme në rrugë. Ata kërkuan që qeveria të ndërmarrë masa më të ashpra për të parandaluar aksidente të tilla, si përmirësimi i rregullave për shoferët e rinj dhe instalimi i kutive të zeza (sisteme që monitorojnë drejtimin) në makinat e të rinjve.

Gjykata dëgjoi gjithashtu se Tilly kishte shprehur shqetësimin për mënyrën e drejtimit të Spencer-it dhe kishte dërguar një mesazh duke i thënë: “Nuk do të vonoj shumë me drejtimin e Edit.” Familja Seccombe, që humbi vajzën e tyre Tilly, tha se ata besojnë se duhet të futen rregulla më të rrepta për shoferët e rinj, duke kufizuar numrin e pasagjerëve që mund të transportojnë dhe duke i detyruar ata të kalojnë teste të shtuar për sigurinë e drejtimit.