Një 53-vjeçar në Prato, Itali është vënë në arrest shtëpie pas dyshimeve për ushtrim të paligjshëm të aktiviteteve mjekësore dhe akuzave për abuzim seksual ndaj pacienteve.
Hetimet e fundit sugjerojnë se i dyshuari ofronte hidroterapi të zorrës së trashë, duke e promovuar si një trajtim të sigurt, ndonëse ai përmban rreziqe serioze.
Prokuroria ka njoftuar se gjatë seancave, ai ka shkelur rëndë standardet profesionale, duke përfshirë akte të ngjashme me sulme seksuale ndaj disa pacienteve.
Deri tani, tre gra kanë raportuar se janë ndjerë të dhunuara gjatë trajtimeve, ndërsa njëra prej tyre ishte e para që denoncoi rastin.
Në hetime është përfshirë edhe bashkëshortja e tij, e cila pritet të përballet me akuza për lejimin dhe mbikëqyrjen e aktiviteteve mjekësore të paligjshme që kryheshin në zyrën e saj.
Kontrollimet e autoriteteve zbuluan gjithashtu kushte higjienike të papranueshme, duke përfshirë ruajtjen e pajisjeve mjekësore në kushte të papërshtatshme. Çështja është nën hetim nga Zyra e Higjienës dhe Shëndetit Publik të Autoritetit Shëndetësor të Toskanës Qendrore.
Prokurori Luca Tescaroli ka bërë thirrje që çdo person i mundshëm i prekur nga këto abuzime të raportojë ngjarjen dhe të bashkëpunojë me autoritetet.