Varianti i ri, më ngjitës i Covid-19 që u shfaq për herë të parë në juglindje të Anglisë tashmë po përhapet me shpejtësi edhe gjatë bllokimit të dytë të kombit në nëntor, sipas një raporti të botuar të enjten nga shkencëtarët në Imperial College London.
Sipas France24, një raport nga shkencëtarët në Imperial College London lëshuar më 31 dhjetor vlerësoi se lloji i ri i coronavirusit trefishoi numrin e tij të infeksioneve në Angli gjatë bllokimit të nëntorit ndërsa numri i rasteve të reja të shkaktuara nga varianti i mëparshëm u ul me një të tretën.
Siç thuhet më tej, varianti i ri shkaktoi një normë më të lartë të riprodhimit – e cila përcakton se sa ngjitëse është sëmundja dhe bazohet në numrin e njerëzve të infektuar nga secili person i infektuar – prej 0.7 kundrejt 0.4 për llojin e mëparshëm, madje edhe me “nivelet e larta të distancës sociale” gjatë bllokimit para Krishtlindjes.
Një normë duhet të jetë më pak se 1 që numri i rasteve të reja të fillojë të bjerë.
Vlerësimi i fundit i qeverisë britanike për normën për Mbretërinë e Bashkuar si një e tërë, botuar më 23 dhjetor, ishte ndërmjet 1.1 dhe 1.3.
Shfaqja e llojit të ri të Covid-19 bëri që më shumë se 50 vende të vendosnin kufizime të udhëtimit në raport me Mbretërinë e Bashkuar në fund të dhjetorit, shumë prej të cilave u hoqën më pas.