Një mik virtual, të cilit i besohen shqetësimet personale, mund të bëhet burim rreziku. Këtë pretendojnë autoritetet e Kentakit në padinë kundër platformës Character.AI, që u lejon përdoruesve të bisedojnë me personazhe të krijuara nga inteligjenca artificiale.
Prokurori i përgjithshëm i shtetit, Russell Coleman, ka publikuar pjesët e mbuluara më parë të padisë së ngritur në janar. Dokumentet përshkruajnë biseda të vitit 2025, ku, sipas autoriteteve, chatbotët kanë nxitur sjellje të dëmshme. Padia pretendon se platforma i jepte përparësi mbajtjes së fëmijëve të angazhuar në biseda, përpara mirëqenies së tyre. Autoritetet ngrenë akuza edhe për manipulim psikologjik dhe nxitje të izolimit.
Në qendër është siguria e produkteve që krijojnë përshtypjen e një marrëdhënieje personale: një bashkëbisedues që është gjithmonë i disponueshëm dhe të cilit përdoruesi mund t’i besojë gjithnjë e më shumë. Character.AI ka deklaruar se siguria e përdoruesve është përparësi. Kompania nuk iu përgjigj menjëherë kërkesës së Reuters për koment mbi hollësitë e reja.
Top Channel