Administrata e Presidentit Donald Trump ka në plan të revokojë statusin e përkohshëm të qëndrimit për rreth 240,000 ukrainas që u strehuan në SHBA pas pushtimit rus të Ukrainës, si pjesë e një strategjie më të gjerë për të hequr statusin ligjor mbi 1.8 milionë emigrantë që hynë në SHBA nën programet humanitare të miratuara nga administrata Biden.
Ky veprim ndodhi pas një përplasjeje të ashpër mes Trump dhe Presidentit ukrainas Volodymyr Zelensky në Shtëpinë e Bardhë, që shkaktoi tensione në marrëdhëniet mes dy vendeve. Po ashtu, SHBA ka pezulluar ndarjen e inteligjencës me Ukrainën dhe ka ndërprerë ndihmën ushtarake, duke i bërë thirrje Zelensky të pranojë negociatat e paqes me Rusinë.
Kremlini e ka përshëndetur këtë vendim, duke e parë si një mundësi për t’i dhënë fund luftës. Ndërkohë, liderët europianë janë të shqetësuar për ndikimin e politikave të Trump dhe po përgatiten për një situatë të pasigurt në frontin lindor. Trump ka deklaruar se ka marrë “sinjale të forta” nga Rusia për gatishmërinë për një marrëveshje paqeje, duke e kërkuar Zelensky të angazhohet në bisedime.