Një mjek është pushuar nga puna nga një spital austriak, pasi tha se e vetmja kurë për një pacient me obezitet të rëndë ishte Auschwitz-i. Incidenti, i cili ka zemëruar stafin dhe autoritetet shëndetësore, ndodhi në spitalin shtetëror Horn. Stafi tha se mjeku komentoi:
“Vetëm më shumë Auschwitz do të ndihmonte këtu”, duke iu referuar pacientit.
Fillimisht u trajtua si një çështje e brendshme përpara se të përshkallëzohej në një skandal, sipas mediave lokale. Stafi i spitalit thuhet se u njoftua pasi komenti u raportua gjatë një takimi dhe një letër anonime iu dërgua më vonë gazetës austriake “MeinBezirk”, duke detajuar komentin dhe mjedisin toksik të punës.
Letra pretendonte se stafi i infermierisë po refuzonte gjithnjë e më shumë ta shoqëronte mjekun në vizita për shkak të sjelljes së tij. Shërbimi Shëndetësor i Austrisë konfirmoi shkarkimin e mjekut pas një hetimi të brendshëm.
Matthias Hofer, drejtori i komunikimit i agjencisë, tha se përgjigja ishte e menjëhershme sapo u bë ankesa.
“Sapo incidenti doli në dritë, personi i përfshirë u pezullua menjëherë. Deklarata të tilla bien ndesh drejtpërdrejt me vlerat thelbësore, duhet të dënohen me termat më të forta të mundshme dhe nuk do të tolerohen nga ne në asnjë mënyrë. Pas një hetimi për çështjen, punësimi i tij u ndërpre me efekt të menjëhershëm”-, tha Hofer.
Hofer tha se mjeku ishte lënë me pushim të premten, por takimi zyrtar për të finalizuar shkarkimin mund të zhvillohej vetëm të martën e ardhshme për shkak të një feste.
