Vala e të nxehtit që përfshiu Belgjikë gjatë periudhës 18–29 qershor ka shkaktuar një rritje dramatike të numrit të viktimave, me autoritetet që raportojnë 39% më shumë vdekje krahasuar me mesataren normale për këtë periudhë.
Sipas të dhënave paraprake të Grupi Belg i Menaxhimit të Riskut, temperaturat ekstreme kanë sjellë 1.222 vdekje shtesë, duke shënuar bilancin më të rëndë të lidhur me një valë të nxehti në historinë e vendit.
Më të prekurit rezultojnë të jenë të moshuarit, ku mbi 530 viktima ishin persona mbi moshën 85 vjeç. Megjithatë, autoritetet raportojnë se rreth 180 vdekje janë regjistruar edhe te persona nën 65 vjeç, duke treguar ndikimin e gjerë të temperaturave të larta në të gjitha grupmoshat.
Sipas RMG-së, numri i vdekjeve ditore gjatë kësaj periudhe ka arritur nivelin më të lartë të regjistruar në Belgjikë që nga vala e parë e pandemisë së COVID-19.
Autoritetet shëndetësore vijojnë të monitorojnë situatën, ndërsa ekspertët paralajmërojnë se valët ekstreme të të nxehtit po bëhen gjithnjë e më të shpeshta për shkak të ndryshimeve klimatike.