Një grua marokene dhe partneri i saj algjerian akuzohen në Londër për vrasjen e djalit të tyre tre muajsh. Foshnja u gjet me fraktura të shumta në kafkë dhe ndërroi jetë disa javë më vonë në spital, ndërsa ngjarja e rëndë tronditi mbarë opinionin publik.
Mediat shkruajnë se nëna e foshnjës së ndjerë, dyshohet se i kishte dërguar mesazhe vëllait të saj duke shprehur shqetësimin për foshnjën, ndërsa kishte deklaruar se dëshironte ta vriste.
“Ai më ka mërzitur shumë. Nuk ka fjetur ende. Thjesht godite në djall dhe kaq. Do të doja të vdiste,”– dyshohet se kanë qenë disa nga mesazhet që ajo i ka dërguar familjarëve të saj.
Një hetim mjeko-ligjor zbuloi se foshnja kishte pësuar fraktura të shumta në kafkë, brinjë të thyer dhe gjakderdhje të rëndë në tru. Gjatë marrjes në pyetje nga policia, e ëma pretendoi se nuk dinte asgjë për lëndimet e djalit të saj. Ajo argumentoi se lëndimet në kokë mund të jenë shkaktuar gjatë lindjes së fëmijës.
Të dy të pandehurit mohojnë akuzat për vrasje dhe shkaktim ose pranim të vdekjes së fëmijës së tyre. Gjyqi për ta është caktuar të fillojë më 1 shkurt 2027, me një seancë paraprake më 27 korrik.