Një ngjarje e rrezikshme është regjistruar në Turqi, ku një vajzë rreth 5 vjeçe për pak sa nuk u përplas nga një tramvaj.

Në pamjet e publikuara shihet një grup qytetarësh që qëndrojnë pranë një kalimi për këmbësorë, ndërsa një tramvaj po afrohet në shina.

Në një moment, vogëlushja futet papritur në zonën e shinave, duke u gjendur shumë pranë tramvajit që po kalonte.

Situata mori një kthesë të frikshme, por ndërhyrja e menjëhershme e një kalimtari bëri që gjithçka të përfundonte pa pasoja. Burri reagoi në kohë, e kapi vajzën dhe e tërhoqi menjëherë jashtë shinave, vetëm pak çaste përpara se tramvaji të kalonte.

Fatmirësisht, incidenti nuk shkaktoi të lënduar dhe vajza rezultoi e padëmtuar.