Një ngjarje e rëndë ka tronditur Milano-n, pasi një i ri ukrainas ka ndjekur dhe sulmuar një të huaj nga Gambia, i dyshuar për vjedhjen e celularit të tij. Sipas informacionit nga policia, ngjarja ka ndodhur pranë një stacioni dhe ka përfshirë një sulm fizik të dhunshëm ndaj viktimës, që ka përfunduar me të dëmtuarin që ra në tokë pa ndjenja.
Pasi ndodhi ndjekja, viktima u godit me grushte dhe këmbë pranë stendës së taksive. Ngjarja është regjistruar nga kalimtarët, disa prej të cilëve publikuan video që më vonë ndihmuan hetuesit të rikonstruktonin dinamikën e ngjarjes. Në një video të shpërndarë, shfaqet gjithashtu një person i dytë, i cili mban një helmetë dhe duket të ketë marrë pjesë në pjesën përfundimtare të sulmit. Policia është duke punuar për të identifikuar këtë individ.
Viktima u transportua me urgjencë në spitalin Fatebenefratelli, ku ndodhet në gjendje kritike dhe është në rrezik për jetën. Policia e Milanos ka nisur hetimet për të sqaruar të gjitha rrethanat e këtij sulmi dhe për të siguruar drejtësi për viktimën.