Një ngjarje e rëndë ka tronditur qytetin Settimo Torinese, në provincën e Torinos, ku një burri 47-vjeçar ka humbur jetën tragjikisht gjatë një darke familjare, pak para drekës së Krishtlindjeve. Giovanni Lopez, që po festonte Krishtlindjet në shtëpinë e prindërve të tij në lagjen Borgo Nuovo, ka pësuar një mbytje aksidentale gjatë konsumimit të një flete panetone.
Sipas hetimeve paraprake, një copë panetone ka bllokuar rrugët e frymëmarrjes të viktimës, duke shkaktuar mbytjen. Familjarët e tij reaguan menjëherë, duke telefonuar ambulancën dhe duke u munduar ta ndihmojnë deri në mbërritjen e shërbimeve mjekësore.
Ambulanca ka mbërritur brenda pak minutash, por pavarësisht përpjekjeve të ekipit të emergjencës, ata nuk kanë mundur ta rikthenin në jetë dhe kanë konfirmuar vdekjen e tij.
Në vendngjarje kanë mbërritur gjithashtu karabinierët e Settimo Torinese, si dhe mjeku ligjor i autoritetit shëndetësor ASL To4, i cili ka kryer verifikimet e nevojshme. Autoritetet kanë konfirmuar se shkaku i vdekjes ka qenë mbytja aksidentale nga kafshata e panetones.