Irani ka ekzekutuar dy burra për vraasjen e dyshuar të një anëtari të forcës paraushtarake në nëntor gjatë protestave të shkaktuara nga vdekja e Mahsa Amini në paraburgim.
Kampioni i karatesë, Mohammad Mehdi Karami dhe trajneri vullnetar i fëmijëve, Seyed Mohammad Hosseini u dënuan me varje. Vendi është përfshirë nga protesta që nga vdekja e gruas kurde iraniane 22-vjeçare, Mahsa Amini, e cila pretendohet se është vrarë nga dhuna e policëve në dhomën e paraburgimit.
Agjencia gjyqësore e lajmeve Mizan Online raportoi se “Mohammad Mehdi Karami dhe Seyed Mohammad Hosseini, autorët kryesorë të krimit që çoi në martirizimin e Ruhollah Ajamian, u varën mëngjesin e sotëm”. Prokurorët thanë se milicia 27-vjeçare u zhvesh lakuriq dhe u vra nga një grup vajtuesish që po i bënin haraç një protestuesi të vrarë, Hadis Najafi.
Zyra e OKB-së për të drejtat e njeriut dënoi ekzekutimet, të cilat tha se pasuan “gjyqe të padrejta të bazuara në rrëfimet e detyruara”. Bashkimi Evropian tha se ishte “i tmerruar” nga përdorimi i dënimit me vdekje kundër protestuesve civilë.