Në Austri, është gjetur i vdekur 56-vjeçari Roland Drexler, i dyshuar si autor i vrasjes së Franz Hofer, kryebashkiakut të Kirchberg ob der Donau, dhe një personi tjetër më 28 tetor. Zbulimi erdhi pas disa ditëve kërkimesh intensive nga policia austriake, e cila kishte angazhuar 250 oficerë dhe helikopterë në operacionin e saj në zonën e Rohrbachut.
Sipas raportimeve nga media, trupi i Drexler u gjet në një kanal pranë një shpelle në pyll, duke përfunduar kështu një operacion të gjatë të kërkimit. Ai njihej si gjuetar dhe kishte një pasion për teoritë konspirative, madje duke mbajtur një listë me emrat e 48 personave të tjerë, të cilët supozohej se planifikonte t’i vriste.
Policia beson se mosmarrëveshja për të drejtat e gjuetisë mund të ketë qenë arsyeja pas vrasjes së kryebashkiakut Hofer dhe viktimës tjetër.