Më shumë se 2,500 njerëz janë vrarë dhe mijëra të tjerë janë plagosur pas një tërmeti të fuqishëm me magnitudë 7.8 që goditi Turqinë dhe Sirinë, në orët e para të mëngjesit të ditës së sotme.

Zyrtarët vazhdojnë të përditësojnë numrin e të vdekurve ndërsa përpjekjet e shpëtimit vazhdojnë.

Tërmeti, një nga më të fortët që ka goditur rajonin në më shumë se 100 vjet, goditi 23 kilometra në lindje të Nurdagi, në provincën Gaziantep të Turqisë, në një thellësi prej 24.1 kilometrash.

Pasgoditje të shumta të forta janë ndjerë në të gjithë rajonin për orë të tëra pas tërmetit të parë, duke përfshirë një tërmet të fortë me magnitudë 7.5 ballë.

Agjencia turke e fatkeqësive bëri thirrje për ndihmë nga komuniteti ndërkombëtar ndërsa kryen operacionet e kërkim-shpëtimit.