Një qenush i bllokuar nën rrënojat e një shtëpie të shembur në Karakas u shpëtua në momentet e fundit nga ekipet e zjarrfikësve.

Sipas autoriteteve, zjarrfikësit ishin gati të largoheshin nga zona e kërkimeve kur dëgjuan lehjen e qenushit që vinte nga poshtë rrënojave.

Pamjet e publikuara tregojnë momentin kur efektivët arrijnë ta nxjerrin kafshën të gjallë, mes emocioneve të të pranishmëve.

Departamenti i Zjarrfikësve të Karakasit e cilësoi qenushin si një “simbol shprese”, duke vlerësuar se shpëtimi i tij ishte një moment frymëzues mes operacioneve të vështira të kërkim-shpëtimit.