Oficerët e policisë qëlluan dhe vranë një burrë, të armatosur me thikë, i cili po kërcënonte kalimtarët në zemër të Ajaccio, në Korsika, njoftuan autoritetet lokale, të cilat kanë përjashtuar në këtë fazë se ishte një akt terrorist.

Prokurori i Ajaccio, Nikola Set, tha se po kryhet hetim paraprak për vrasje me dashje ndaj oficerit të policisë që qëlloi dhe për “tentativë vrasjeje” ndaj viktimës.

26-vjeçari, me origjinë nga Senegal, mori një ose më shumë plumba dhe u plagos për vdekje, shtoi prokurori, duke konfirmuar informacionin nga stacioni televiziv France 3 Viastella.

“Unë përjashtoj një sulm terrorist në këtë fazë sepse nuk lëshoi ndonjë kërcënim të tillë,” shtoi Shet, duke folur me gazetarët në vendngjarje.

Oficerët fillimisht u përpoqën të përdornin një armë taser për të imobilizuar 26-vjeçarin dhe kur dështuan, njëri prej tyre e qëlloi disa herë.

Në videot e postuara në rrjetet sociale, shihet një burrë duke lëvizur me shpejtësi, në këmbë, në rrugën Napoleon, ndërsa punonjësit e policisë e ndjekin me armë të shtrira. Rruga Napoleon, një arterie qendrore dhe e ngarkuar e qytetit, ishte e mbyllur për trafikun.