Presidenti i Shteteve të Bashkuara, Donald Trump, ka njoftuar një marrëveshje të re tregtare me Mbretërinë e Bashkuar, duke e cilësuar atë si “të plotë dhe gjithëpërfshirëse”, e cila do të forcojë marrëdhëniet mes dy shteteve për shumë vite.
Në një postim në platformën Truth Social, Trump shkroi se kjo marrëveshje vjen si rezultat i një “historie të gjatë dhe besnikërie të përbashkët”, duke e konsideruar si një nder që Mbretëria e Bashkuar është partneri i parë në këtë marrëveshje.
Ai gjithashtu paralajmëroi se shumë marrëveshje të tjera, për të cilat janë bërë negociata serioze, do të vijojnë në të ardhmen.
Ky njoftim vjen ndërkohë që Trump po intensifikon aktivitetet e tij politike ndërkombëtare dhe përgatitet për një fushatë të re presidenciale në SHBA. Detajet e plota të marrëveshjes ende nuk janë bërë publike nga autoritetet zyrtare në SHBA apo Britani.