Kremlini njoftoi dje se një takim trepalësh i zyrtarëve nga Rusia, Ukraina dhe Shtetet e Bashkuara do të mbahet në Emiratet e Bashkuara Arabe, disa orë pas bisedimeve midis Presidentit rus Vladimir Putin dhe të dërguarit të posaçëm të SHBA-së Steve Wittkof në Moskë.
Siç u tha gazetarëve këshilltari i Kremlinit për çështjet diplomatike, Yuri Ushakov, “u ra dakord që takimi i parë i grupit të punës trepalësh, i ngarkuar me çështjet e sigurisë, të mbahet në Abu Dhabi”.
Samiti pritet të zhvillohet në kuadër të proceseve për të çtensionuar konfliktin në Ukrainë dhe për të eksploruar kanalet e mundshme të komunikimit.
Sipas Yuri Ushakov, takimi i Vladimir Putin me Steve Wittkof u përshkrua si “i dobishëm në të gjitha aspektet”, pa dhënë detaje të mëtejshme rreth përmbajtjes së bisedimeve.
Këto kontakte janë pjesë e një periudhe të proceseve të shtuara diplomatike rreth luftës në Ukrainë, me SHBA-në që përpiqet të luajë një rol aktiv në përpjekjet për të menaxhuar krizën.