Televizioni Kanal 5 në Maqedoninë e Veriut raporton se LSDM dhe BDI kanë arritur marrëveshje për koalicion qeveritar.
Sipas këtij televizioni, kryetari i LSDM-së, Zoran Zaev do të jetë kryeministër tre vite, kurse kandidati i BDI-së Naser Ziberi një vit. Por informacionet nuk kundërshtohen nga BDI dhe Zoran Zaev.
Reagimi i BDI dhe LSD
Sekretari organizativ i BDI Artan Grubi dhe lideri i LSDM Zoran Zaev nuk i kanë miratuar lajmet që po rrjedhin mbi arritjen e një marrëveshje për koalicion mes BDI-së dhe LSDM-së duke thënë se nuk janë të vërteta edhe pse është flitet që modeli i qeverisjes të jetë 3+1 për postin e kryeministrit, por duke thënë se bisedimet janë duke u zhvilluar akoma dhe se deri më tash nuk ka asnjë gjë konkrete.
“Akoma nuk është arritur marrëveshje midis LSDM dhe BDI. Lajmet e vazhdueshme të rreme të prodhuara nga nëpërkëmbëzat opozitare shqiptare po rrënojnë pozitat negociuese të BDI dhe të shqiptarëve sepse po bëhen me qëllim të shmangies së përgjegjësisë brenda rradhëve të tyre për dështimin në zgjedhje dhe mashtrimin e votuesve”, kështu thekson Artan Grubi nga BDI për gazetën KOHA, ndërkohë që të njejtën gjë thonë dhe nga ana e LSDM-së.
“Nuk është e vërtetë. Bisedimet vazhdojnë”, deklaroi Zoran Zaev, kryetar i LSDM-së.