Andrew Ferguson Neil FRSA një gazetar dhe transmetues britanik ka komentuar dhe analizuar së fundmi kthimin e Donald Trump në pushtet. Ai tha se ky kthim ka me vete njk revolucion ytë madh por dhe armiqtë e tij nuk duhet të jenë shumë të qetë pasi “makthi” për ta nuk ka nisur ende.
Inaugurimi i sotëm i Donald Trump si Presidenti i 47-të i Shteteve të Bashkuara shënon një moment të ndryshëm nga ai i vitit 2017, kur ai mori për herë të parë detyrën si Presidenti i 45-të. Pushtimi i tij i Shtëpisë së Bardhë atëherë u pa si një fenomen i papritur dhe shumë kritikuan fitoren e tij, duke e përshkruar atë si rezultat të ndikimit të Kremlinit dhe një përkrahje të atyre që Hillary Clinton i quajti “shporta me të mjerueshme”.
Megjithatë, Trump ka arritur të kalojë shumë pengesa dhe të krijojë një bazë të fuqishme mbështetjeje, e cila ka përfshirë shtresa të ndryshme të shoqërisë, përfshirë klasat punëtore dhe një pjesë të klasës së mesme hispanike dhe meshkujve zezakë. Ndryshe nga mandati i parë, ai po hyn në këtë të dytë me një koalicion të ri dhe me një qasje që ka ndryshuar ndjeshëm atmosferën në Washington, duke e kthyer atë në një administratë të fuqishme, të orientuar drejt politikave konservatore, në të cilat luftohet përmes shkurtimeve të taksave, derregullimeve dhe ndryshimeve të mëdha në politikën ekonomike dhe migratore.
Këtë herë, ai ka arritur të bindë figura të mëdha nga bota e biznesit dhe teknologjisë, të cilët, dikur kritikë të tij, tani janë pjesë e elitës së tij të re. Kjo tregon një transformim të madh në balancat e pushtetit dhe një zhvendosje të qëndrimeve të mëparshme të klasës së lartë politike amerikane. Trump po mundon të sjellë një ndryshim të thellë në mënyrën e udhëheqjes dhe të marrëdhënieve ndërkombëtare, sidomos në lidhje me Rusinë, Kinën dhe Evropën.
Në përgjithësi, inaugurimi i tij si President i 47-të vjen me një ndjenjë të ndryshimit të thellë dhe të ndryshimeve të mundshme që mund të formojnë të ardhmen e politikës dhe ekonomisë amerikane.// DailyMail