Zëvendëspresidenti i SHBA-së, JD Vance, ka shpërthyer ndaj komentuesve të njohur, duke i quajtur të papranueshëm komentet që janë bërë mbi gruan e tij, Usha Vance, nga dy komentues të njohur Nick Fuentes dhe Jen Psaki.
Fuentes, një supremacist i bardhë dhe mohues i Holokaustit, e kishte quajtur Vance një “tradhtar ” për shkak të martesës së tij me Usha, e cila është vajza e dy emigrantëve indianë.
Ndërsa Psaki, ish-sekretare shtypi e Presidentit Biden, kishte bërë komente të dyshimta për Vance dhe gruan e tij në një intervistë, duke i sugjeruar asaj të largohej nga bashkëshorti.
Në një intervistë të publikuar të dielën, Vance tha se ata që sulmojnë gruan e tij “Le të hanë m*t!”.
“Le të jem i qartë. Kushdo që sulmon gruan time, qoftë Jen Psaki apo Nick Fuentes, le të hanë m*t.” Ky koment erdhi si një përgjigje ndaj kritikave të ashpra që kanë ardhur nga këta individë dhe shprehu mbështetje të fortë për gruan e tij.
Komentet e Vance vijnë pas kritikave të tjera të ashpra ndaj disa figurave konservatore që kanë sulmuar partinë për zgjedhjen e emrave dhe pozicionet e mbështetësve të Trump.
Përveç kësaj, Vance ftoi konservatorët të jenë të kujdesshëm në atë se si zgjedhin të kritikojnë figurat e tjera brenda lëvizjes, duke theksuar se “mënyra më e mirë për të nderuar Charlien është që askush prej nesh këtu nuk duhet të bëjë diçka pas vdekjes së Charlies që ai vetë refuzoi ta bënte gjatë jetës së tij,” një pasazh që duket se ka pasur lidhje me kritikën e konservatorëve të njohur si Ben Shapiro ndaj kritikëve të krahut të djathtë, si Candace Owens dhe Tucker Carlson.