CEO i Oracle, Larry Ellison, ka zënë për herë të parë vendin e parë në listën e miliarderëve më të pasur në botë, duke lënë pas Elon Musk, themeluesin e Tesla dhe SpaceX.
Sipas indeksit të miliarderëve të Bloomberg, pasuria neto e Ellison u rrit me një shifër rekord prej 101 miliardë dollarësh brenda një dite, duke kapur vlerën 393 miliardë dollarë në total.
Rritja e jashtëzakonshme e pasurisë së tij vjen si rezultat i një lulëzimi të aksioneve të Oracle, të cilat u rritën me deri në 41% gjatë ditës së mërkurë një performancë që vendosi rekorde të reja për kompaninë në tregjet financiare.
Ndërkohë, Elon Musk ka rrëshqitur në vendin e dytë me një pasuri të vlerësuar në 385 miliardë dollarë, sipas të dhënave më të fundit të Bloomberg.
Renditja e re tregon ndikimin e fuqishëm të tregjeve në lëvizjen e pasurive të mëdha dhe ngritjen e figurave të reja në majat e listave globale të pasurisë.