Mijëra mbështetës të djathtë u mblodhën të premten në Palapartenope, pranë Napolit, për të mbështetur Edmondo Cirielli në zgjedhjet rajonale të Kampanisë. Në skenë ishin të pranishëm liderët kryesorë të qendrës së djathtë italiane, Giorgia Meloni, Antonio Tajani, Matteo Salvini dhe Maurizio Lupi.
Pas fjalës së Meloni, të gjithë bashkë me Ciriellin kënduan Hymnin Kombëtar të Italisë, ndërsa mbështetësit kënduan korin e njohur “Kush nuk kërcen është komunist!” dhe festuan duke kërcyer, duke dokumentuar momentin me selfie dhe video nga skena.
Ngjarja ka shkaktuar reagime të menjëhershme nga qendra e majtë. Deputeti dhe përgjegjësi i Jugut i Partisë Demokratike, Marco Sarracino, paralajmëroi se Meloni mund të përballet me një humbje të madhe në Kampani. Ai kritikoi qeverisjen e kryeministres, duke thënë se në tre vitet e fundit ka vepruar në mënyrë antijugore, duke reduktuar burime dhe fonde për shëndetësinë, arsimin, njësitë lokale dhe infrastrukturën në jug të vendit.