Belgjika ka përjetuar ditën më të nxehtë të regjistruar ndonjëherë që nga nisja e matjeve meteorologjike, ndërsa autoritetet paralajmërojnë se temperaturat ekstreme pritet të rriten edhe më shumë në ditët në vijim.
Shërbimi meteorologjik në Bruksel regjistroi temperatura deri në 34.6°C, duke thyer rekordin historik të vendosur në vitin 1976.
Megjithatë, mediat belge raportojnë se ky rekord mund të mos zgjasë shumë, pasi parashikimet tregojnë se në disa zona temperaturat mund të arrijnë deri në 40°C gjatë fundjavës.
Për shkak të vapës ekstreme, Instituti Meteorologjik i Belgjikës ka shpallur alarm të kuq në dy provinca lindore të vendit për ditën e premte, niveli më i lartë i paralajmërimit meteorologjik.
Vala e të nxehtit që ka përfshirë Belgjikën është pjesë e temperaturave ekstreme që po godasin edhe pjesë të tjera të Evropës Perëndimore, me paralajmërime të larta të lëshuara në Britania e Madhe, Francë, Spanjë dhe Gjermani.