Përveç lirimit të pengjeve izraelite nga Hamasi, gjatë ditës së sotme pritet edhe një lirimi masiv i palestinezëve të burgosur dhe të ndaluar nga autoritetet izraelite. Në kuadër të marrëveshjes së ndërsjellë, 250 të burgosur palestinezë dhe 1.700 të ndaluar nga Gaza pritet të lirohen, përfshirë 22 fëmijë.
Mediat izraelite raportojnë se të burgosurit palestinezë po përgatiten për lirimin e tyre nga burgu “Ofer”, i vendosur në Bregun e pushtuar Perëndimor, ku janë mbajtur shumica e tyre.
Sipas Zyrës së Informacionit për të Burgosurit Palestinezë, autobusi i parë nga gjithsej 38 të tillë që transportojnë të burgosurit e liruar, ka kaluar tashmë në Rripin e Gazës, duke shënuar fillimin e këtij operacioni të madh transferimi.
Ky zhvillim vjen si pjesë e një marrëveshjeje të ndërmjetësuar, e cila synon të ulë tensionet dhe të ndërtojë një hapësirë për zgjidhje afatgjata në krizën izraelito-palestineze. Procesi po monitorohet nga aktorë ndërkombëtarë dhe organizata humanitare për të siguruar që lirimet të ndodhin në përputhje me marrëveshjet e arritura.