Çmimet e naftës kanë shënuar rritje të ndjeshme në tregtimin e hershëm në Shtetet e Bashkuara, duke kaluar pragun e 110 dollarëve për fuçi, teksa tregjet globale vijojnë të ndikohen nga lufta e zgjatur në Lindjen e Mesme.
Kontratat për naftën amerikane West Texas Intermediate (WTI) për dorëzim në maj u rritën me 1.86%, duke arritur në 113.62 dollarë për fuçi.
Ndërkohë, nafta e Brent, referenca kryesore ndërkombëtare, u rrit me 1.16%, duke u kuotuar në 110.30 dollarë për fuçi.
Rritja e çmimeve reflekton shqetësimet e tregjeve për furnizimin global me energji, në një kohë kur tensionet gjeopolitike dhe rreziku i ndërprerjeve në korridoret kryesore të naftës vijojnë të mbajnë të lartë pasigurinë në tregjet ndërkombëtare.