Një ngjarje e pazakontë i ka ndodhur një 25-vjeçari amerikan. YouTuberi i njohur u bë pjesë e “festivalit të jashtëqitjes” në Indi, por gjatë kohës që ai filmonte u etiketua si racist duke shkaktuar zemërimin e ndjekësve të tij dhe vendasve indianë.
Tradita e njohur në Indi ka të bëjë me hedhjen e jashtëqitjes së lopëve ndaj njëri-tjetrit, një zakon hindu post Diwali i cili u kritikua nga shumë ndjekës të 25-vjeçarit.
Në një postim tjetër, ai ndau një fotografi të vetes me një kostum mbrojtës nga substancat e rrezikshme dhe syze mbrojtëse të mbuluara me njolla kafe pas ngjarjes në fshatin e largët Gumatapura, në Karnataka, India jugperëndimore.
“Gëzuar Diwali! Po, shkova në festivalin e hedhjes së jashtëqitjeve në Indi. Ishte përvoja më e shkurtër e jetës sime. Nuk do të kthehem më kurrë. Ju lutem lutuni që të mbijetoj”, shkroi ai, duke shoqëruar postimin me një emoji jashtëqitjeje. Reagimet negative filluan të grumbulloheshin shpejt rreth tij.
Më pas ai ndau pamje të ekranit që pretendonin të tregonin se videoja e tij po përballej me censurë dhe raportim masiv nga përdoruesit indianë të cilët pretendojnë se ai po njollos vendin e tyre.
«Pse duhet të vish në Indi dhe pastaj të regjistrosh një video të një festivali të plehrave të lopës, duke shkuar në mes të eventit dhe pastaj duke qarë si një dështak!» shkroi një përdorues i Indian X. I riu 25-vjeçar u akuzua si një dizinformues dhe përhapës i racizmit, nga ku një indian ka reaguar ashpë duke shpjeguar se kjo traditë bëhet për nderimin e një prej perëndive të besimit të tyre.
