Autoriteti i Konkurrencës dhe Tregjeve (CMA) në Mbretërinë e Bashkuar ka hapur një hetim ndaj Google, për të shqyrtuar nëse gjigandi i teknologjisë po përdor pozicionin e tij dominues në treg për të dëmtuar konkurrencën dhe zgjedhjet e përdoruesve.
Aktualisht, Google zotëron 90% të kërkimeve në internet në Mbretërinë e Bashkuar. Ky hetim është i pari që autoriteti ndërmerr pas fitimit të kompetencave të reja për të mbikëqyrur firmat me status strategjik në tregjet digjitale.
Hetimi do të zgjasë nëntë muaj dhe do të përqendrohet në:
Përdorimin e mundshëm të pozicionit dominues për të penguar rivalët.
Përdorimin e të dhënave të përdoruesve pa miratimin e tyre.
Rezultatet e ofruara nga Google në platformën e tij të kërkimit.
Google ka deklaruar gatishmërinë për të bashkëpunuar me autoritetet, por ka theksuar rëndësinë e vendosjes së kufijve në hetime të tilla.
Ky zhvillim vjen si pjesë e regjimit të ri të konkurrencës digjitale që ka hyrë në fuqi në janar. Rezultatet e hetimit pritet të hedhin dritë mbi ndikimin e praktikave të Google në tregun e lirë dhe në të drejtat e konsumatorëve.