Koreano-jugori, Do Kwon qëndronte në një apartament 2 milionë eurosh në një lagje “ekskluzive” në Beograd, Dedinje, në kohën kur ndaj tij ishte lëshuar urdhri i kuq i Interpolit. Sipas dokumenteve zyrtare, dupleksi në katin e tretë është në pronësi të Han Cheng Yoon – një shtetas i Koresë së Jugut, i cili u arrestua së bashku me Kwon kur u përpoqën të arratiseshin nga Mali i Zi në Dubai me një avion privat.
Hahn zotëronte gjithashtu dy vende parkimi në një rezidencë të quajtur Ambassador Park, e vendosur në një lagje të njohur me diplomatë dhe biznesmenë të pasur. Vetëm 6 minuta me makinë nga Ambasada Koreane në Serbi. Kjo do të thotë se prokurorët nga vendi i Azisë Lindore që vizituan Serbinë muajt e fundit për të punuar me zyrtarët vendas të zbatimit të ligjit mund të kenë qenë shumë më afër kapjes
Por i ashtuquajturi “mbreti i kriptomonedhës” u arrestua në mars në Podgoricë.
“Policia malazeze ndaloi një person që dyshohet se është një nga të arratisurit më të kërkuar, shtetasin e Koresë së Jugut Do Kwon, bashkëthemelues dhe CEO i ‘Terraform Laps’ me seli në Singapor,”-kështu lajmëroi ministri i Brendshëm, Filip Adržić.
Do Kwon dyshohet për mashtrim me vlerë 40 miliardë dollarë. Por, Kwon dhe partneri i tij, Han Chang Joon, themeluan një kompani të quajtur “Codokoj22 doo Beograd” më 12 tetor 2022, tre javë pasi ai përfundoi në listën e të kërkuarve nga Interpol.
Kompania është e regjistruar në qendër të Beogradit dhe është interesante se SH.PK është e regjistruar për aktivitete konsulente lidhur me biznesin.