Presidenti ukrainas Volodymyr Zelensky ka theksuar rëndësinë e mbrojtjes së territorit të Ukrainës, duke e cilësuar atë si një detyrë shumë të kushtueshme.
Ai iu bëri thirrje bizneseve dhe investitorëve globalë të investojnë tani në Ukrainë, duke shprehur besimin se paqja do të vijë dhe se ky është një hap i rëndësishëm për rinovimin dhe zhvillimin e vendit pas luftës. Zelensky kërkoi mbështetje për krijimin e vendeve të punës, ofrimin e investimeve dhe rritjen e financimeve për Ukrainën.
“Vende pune, para, investime, ejani ofrojini ato Ukrainës”, tha ai, duke theksuar se këto janë hapa kyç për të siguruar një të ardhme të qëndrueshme për vendin dhe për popullin ukrainas.
Përmes këtij apel, presidenti ukrainas kërkoi një angazhim të drejtpërdrejtë nga komuniteti ndërkombëtar për të mbështetur zhvillimin ekonomik dhe rindërtimin e Ukrainës, duke e parë këtë si një mundësi për të kontribuar në paqe dhe stabilitet në rajon.
