Mbytja e anijes/ “Emigrantët me gjunjë të përthyer, të mbijetuarit s’flasin shumë”, ekipet e shpëtimit japin DETAJE nga tragjedia në Pylos

Të shpëtuarit nga anija që u mbyt në Pylos, mes të cilëve ka edhe të mitur të pashoqëruar, pritet që gjatë ditës të transferohen në objektin e Malakasës, të cilët pas identifikimit do të transferohen në ambientet e të miturve.

Në të njëjtën kohë, ekipet e shpëtimit që kanë dhënë ndihmën e parë për të shpëtuarit, po japin dëshmi të reja për atë që ndodhi në anijen e peshkimit, të përdorur nga trafikantët për të transportuar qindra emigrantë drejt Italisë.

“Ata ishin pranë njëri-tjetrit me gjunjë të përthyer dhe kushdo që arrinte të lëvizte pak këmbët, kjo ishte shumë e rëndësishme”, tha infermierja e Kryqit të Kuq Grek për MEGA.

Përkthyesit që folën me të mbijetuarit e tragjedisë, thonë se këta njerëz janë shumë të trishtuar, nuk flasin shumë, por ndihen të sigurt dhe të qetë për trajtimin që iu bë nga autoritetet greke pas shpëtimit.