Në Sheshin e Shën Pjetrit, 250,000 njerëz morën pjesë në funeralin e Papa Françeskut për t’i bërë nderimet e tyre të fundit.
Të fuqishmit dhe të margjinalizuarit u mblodhën për të thënë lamtumirën e fundit një njeriu që “preku mendjet dhe zemrat” dhe që dëshironte “të ndërtonte ura, jo mure”, siç tha kardinali Giovanni Battista Re gjatë shërbimit funeral.
Udhëheqës botërorë, përfshirë Donald Trump dhe Volodymyr Zelensky, iu bashkuan rreth 400,000 vajtuesve që u rreshtuan në rrugët e Romës dhe në Vatikan.
Në Argjentinë, Korenë e Jugut dhe në shumë pjesë të tjera të globit, katolikët mbajtën zi për Papën e ndjerë në kisha, katedrale dhe hapësira publike.
Pas funeralit, një procesion solemn nëpër rrugët e Romës e çoi Papa Françeskun në Bazilikën Santa Maria Maggiore, një kishë e shekullit të 4-të, ku ai kishte kërkuar të prehej, duke u bërë Papa i parë pas më shumë se 100 vjetësh që nuk u varros në Bazilikën e Shën Pjetrit.
Tani nis nëntëditëshi i zisë, i njohur si Novemdiales, me një meshë të përditshme në nderim të Papa Françeskut.
Vëmendja tashmë është kthyer te zgjedhja e Papës së ri, shkruan BBC.