Ushtria izraelite paralajmëroi se do të vazhdojë të godas çdo pasardhës të Udhëheqësit Suprem të Iranit, Ajatollah Ali Khamenei, i cili u vra në sulmet e SHBA-së dhe Izraelit ndaj Iranit. Në një postim në X në persisht, ushtria izraelite paralajmëroi gjithashtu se do të ndjekë penalisht çdo person që kërkon të emërojë një pasardhës për Khamenein, duke iu referuar organit klerikal të ngarkuar me zgjedhjen e udhëheqësit suprem të Republikës Islamike.
Paralajmërimi vjen ndërsa organi klerik u takua për të zgjedhur udhëheqësin suprem të ardhshëm të Iranit. Struktura e posaçme për zgjedhjen e liderit të ri suprem të Iranit ka marrë një vendim, e cila bëri të ditur të dielën anëtarët e saj, të cilët megjithatë nuk e bënë publik emrin e të përzgjedhurit. Lideri suprem iranian zgjidhet nga organi me 88 anëtarë, të gjithë klerikë të hershëm, të cilët zgjidhen me votë popullore.
Në një postim në rrjetin “X”, Forca Mbrojtëse Izraelite deklaroi se “ne duam t’jua bëjmë të qartë se dora e shtetit të Izraelit do të vazhdojë të godasë çdo pasardhës dhe çdo person që përpiqet ta caktojë atë”. Shteti hebre paralajmëroi edhe pjesëtarët e Asamblesë së Ekspertëve.
“Nuk do të hezitojmë t’ju godasim as juve. Ky është një paralajmërim!”, thuhet në profilin e Forcës Mbrojtëse.
