Presidenti i SHBA-së, Donald Trump, ka mbështetur Andrew Cuomo-n në garën për kryebashkiak të New York City-t, duke u bërë thirrje votuesve të mos zgjedhin kandidatin kryesor të krahut të majtë, Zohran Mamdani.
“Pavarësisht nëse ju pëlqen apo jo Andrew Cuomo personalisht, nuk keni zgjidhje tjetër. Duhet të votoni për të dhe të shpresoni që ai të bëjë një punë fantastike”, shkroi Trump në Truth Social të hënën në mbrëmje. “Ai është i aftë për këtë, Mamdani jo!”
Presidenti më parë tha se do të ngurronte të dërgonte më shumë se fondet minimale federale në qytetin e tij të lindjes, Nju Jork, nëse Mamdani zgjidhet.
Sondazhet e opinionit tregojnë se Mamdani, kandidati demokrat, është përpara Cuomo-s, i cili kandidon si i pavarur pasi Mamdani e mundi atë në zgjedhjet paraprake demokrate. Kandidati republikan, Curtis Sliwa, është më prapa.
Trump, gjithashtu një republikan, refuzoi të mbështeste Sliwan në postin e tij, duke thënë “Një votë për Curtis Sliwan… është një votë për Mamdanin”.