Turqia është tronditur sërish nga një tjetër incident me armë në një shkollë të mesme në provincën Kahramanmaraş.

Sipas mediave vendase, të shtënat janë regjistruar në ambientet e një shkolle të mesme, duke detyruar menjëherë evakuimin e nxënësve dhe stafit. Në vendngjarje kanë mbërritur forca të shumta policie dhe ekipe mjekësore.

Raportohet se disa persona janë plagosur, ndërsa autori i dyshuar fillimisht ka qëlluar në ajër në oborrin e shkollës dhe më pas ka hyrë brenda godinës, duke vijuar të qëllojë me armë.

Ky është incidenti i dytë brenda pak ditësh në shkolla në Turqi, pas një tjetër ngjarjeje të ngjashme në provincën Şanlıurfa.