“Rusia po përgatitet për luftë kundër NATO-s!”
Ky është paralajmërimi i fortë që ka bërë Shefi i Shtabit të Përgjithshëm të Forcave të Armatosura Polake, Ëieslaë Kukula. Ai paralajmëroi se Rusia po ndërton një mjedis që synon të krijojë kushte të favorshme për agresion të mundshëm në territorin polak.
Një sulm ushtarak rus ndaj Polonisë do të shkaktonte një përgjigje sipas Nenit 5 të NATO-s, që ka të ngjarë të përbëjë një Luftë të Tretë Botërore. Gjenerali Kukula shtoi se Rusia ishte aktualisht e angazhuar në një situatë para luftës, ose atë që quhet luftë hibride.
“Putin po krijon një atmosferë të caktuar këtu që synon të minojë besimin e publikut në qeveri, në strukturat kyçe si forcat e armatosura dhe policia, si dhe të krijojë kushte të favorshme për agresion të mundshëm në territorin polak.”- tha ai.
Ministri i Jashtëm i Estonisë, Margus Tsahkna, paralajmëroi në Uashington se ora po ecën që makineria ushtarake e Rusisë të kërcënojë drejtpërdrejt shtetet e NATO-s.
“Vladimir Putin do të kthehet në kufijtë tanë baltikë me edhe më shumë trupa dhe pajisje ushtarake sesa kishin para pushtimit në shkallë të plotë të Ukrainës, brenda dy deri në tre vjetësh, ose më pak”, paralajmëroi ai.