Presidenti amerikan Donald Trump ka njoftuar rihapjen e hapësirës ajrore mbi Venezuelë, pas më shumë se një viti mbylljeje.
Ndalimi i fluturimeve ishte vendosur në nëntor 2025, rreth një muaj para operacionit ushtarak që çoi në kapjen e Nicolas Maduros. Gjatë një mbledhjeje të kabinetit në Shtëpinë e Bardhë, Trump deklaroi se autoritetet amerikane kanë informuar presidentin e përkohshëm të Venezuelës për vendimin e rihapjes së hapësirës ajrore mbi vend.
Hapësira ajrore e Venezuelës kishte mbetur e mbyllur që nga nëntori 2025, ndërsa më 4 janar 2026 u rihap pjesërisht për avionët që fluturojnë mbi territorin venezuelian drejt aeroporteve të vendeve fqinje. Megjithatë, fluturimet direkte mes Shteteve të Bashkuara dhe Venezuelës vijojnë të mungojnë që nga viti 2019.