Kanë dalë pamjet e shpërthimit në ajër dhe rrëzimit të balonës kineze që fluturonte prej një jave mbi Shtetet e Bashkuara, e cila dyshohej se përdorej për spiunazh nga vendi komunist.

Balona u rrëzua nga një avion luftarak amerikan dhe mbetjet e saj rana mbi oqeanin Atlantik.

Lajmin për rrëzimin e balonës e ka bërë të ditur vetë Pentagoni përmes një deklarate.

“Një avion luftarak amerikan rrëzoi balonën në brigjet e Karolinës së Jugut si përgjigje ndaj ‘shkeljes së papranueshme’ të sovranitetit të SHBA-së”, thuhet në deklaratë.

Ministria sqaroi se presidenti amerikan Joe Biden kishte dhënë miratimin e tij për rrëzimin e balonës që nga e mërkura, për aq kohë sa ky mision mund të kryhej pa rrezikuar jetën e qytetarëve amerikanë.