Një grabitje spektakolare ndodhi në qershor 2025 në Fremont, Kaliforni, ku rreth 20 persona të maskuar hynë me forcë në dyqanin e bizhuterive “Kumar” dhe morën mallra me vlerë mbi 1.4 milion dollarë brenda pak sekondash. Sipas pamjeve të publikuara nga Departamenti Amerikan i Drejtësisë, grabitësit përdorën çekiçë për të thyer vitrinat dhe morën rreth 75–80% të bizhuterive të ekspozuara, duke u larguar shpejt me automjetet që i prisnin jashtë.
Autoritetet e përshkruan ngjarjen si një “vjedhje në stil mafioz”. Hetimet u vështirësuan nga fakti se automjetet e përdorura për arratisje ishin të vjedhura, duke e bërë të vështirë gjurmimin e autorëve përmes kamerave të sigurisë. Megjithatë, një patrullë policie ndaloi një prej makinave që kishte shkelur rregullat e qarkullimit, duke rezultuar në arrestimin e katër të rinjve, të moshës 19 deri në 20 vjeç, ndërsa dy prej tyre u liruan më vonë pasi çështja nuk ishte dërguar ende në gjykatë.