Mbreti Felipe VI dhe mbretëresha Letizia u përballën me zemërimin e vendasve në Paiporta, Valencia, pas përmbytjeve shkatërruese që shkaktuan 217 viktima.
Vendasit hodhën baltë mbi ta, duke shprehur zemërimin e tyre për dështimin në reagimin ndaj katastrofës. Një truprojë u plagos nga një objekt të hedhur, duke rritur tensionin.
Turma bërtiti ‘vrasës’ dhe ofendime të tjera ndaj mbretërve dhe zyrtarëve të qeverisë, përfshirë kryeministrin Pedro Sanchez gjatë vizitës të dielën.
Në një moment, turma ishte aq afër sa mundën të bënin biseda të plota me Mbretin. Pasi një valencias i bërtiti atij, ai u përgjigj: “Nëse doni, nuk do të vij dhe do të qëndroj në Madrid”.
Mbreti përpiqej të fliste me banorët dhe të kuptonte situatën e tyre. Banorët kritikuan autoritetet për dështimin në paralajmërimin e tyre për rreziqet e përmbytjeve.
Ushtria dhe shërbimet emergjente janë angazhuar në pastrimin e zonave të prekura, ndërsa shumë banorë po ndihmojnë në rindërtimin e jetës.
Mbreti dhe mbretëresha e shtynë vizitën e planifikuar për të shmangur një tjetër reagim negativ.